مدونتى الحبيبة صباح الخير



تصدقى وحشتينى

ها عاملة ايه النهاردة



روحتى امبارح فرح محمود خليل ولا لاء ؟

ليه ؟



معلش انا ححكيلك حصل ايه



اولا انا متفاجىء انى بتكلم معاكى فى الموضوع ده

بس انتى عارفانى ممكن ابقى محضر حاجة واول ما ابدأ فى الكلام ادخل فى حاجة تانيه خالص

عاى كل احنا متفقين على الصراحة من اول يوم والصدق والتلقائية فى التعامل



ما علينا

الراجل بصراحة مؤدب جدا

وبعتلى رسالة على الموبايل يعزمنى

الحقيقة ان الحاجات دية بتأثر اوى فى الواحد

بتحسسنا ان لينا قيمة عند الاخرين

المهم انى فى الاخر رحت الفرح
والحقيقة انه كان ظريف

هيصة كدة والاهم انى شفت ناس كتيير مكنتش شفتهم من زماااان

صبحى سعيد , تخيلوا ؟
لاء وايه وشة تختخ وبقى عنده خدود مبقلظة
مش كدة وبس
ال ايه , سابنى عشان يروح يدى الولد لمامته

يعنى كمان اتجوز وخلف
والله حاجة جميلة و ربنا يباركله

مين كمان
طبعا احمد رفعت ودودى ( محمود احمد ) وسلملى على الشاورمة يا رفعت
ولاول مرة من زمان الاقى رفعت عاطفى كده معايا
والدبلة منورة فى ايده _زوقة تحفة ابن الذين_ يالا ربنا يباركلة
على حد علمى انه اقدم عازب اعرفه ويهمنى وكان يتوقع له الزواج سريعا

ولكنه صبر اهوه ييجى ६ سنين
ودودى كمان حبيب قلبى
الدنيا دخلتله وبقى ليه فى النساء والجاتوة والبيض ।

محب برضة شفته عادى , ابو سهده سمسم

بس المفاجأة القوية بقى كانت

وووووووووههه مصطفى عبد الغنى
صااصا
لابد اننى بدوت كالمجنون وانا اصرخ فرحا لرؤيته
فهو لمن لا يعلم احد الذين استقبلونى فى الكليه ولهم على فضل وسبق
ولهم عندى مكانه وتقدير

الا انه كان من ابسطهم و شاب كده عادى زيه زى الناس
غلبان وعلى نياته وفى نفس الوقت طموح
طيب وملتزم ورقيق ومرهف الحس

لقد كان يوما كما اقول دوما
رجعنى عشوين سنه لورا
.قد يتبع.....

مدونتى الحبيبة

بسم الله الرحمن الرحيم

مدونتى الحبيبة

اهلا بكى
اخيرا شرفتى

على طول اشتياق لكى
انا الذى لطالما حلمت ان اكتب وادون ذكرياتى
وان اشارك الاخرين خبراتى
وان اشركهم فيما يمر بى فى الحياة

كثير ما حلمت بان يكون لى اذاعة صغيرة
ربما اقرب ما تكون للبرنامج الاذاعى الذى يقدمه حاليا اسامة منير
ولربما فكرت ان يكون لى اصدقاء مراسلة منتظمين من جميع انحاء العالم
نتشارك الخبرات والهموم والامال
وبالطبع كانت لى تجارب متفرقة متقطعة لكتابة مذكراتى
لعلها تذكرنى باللحظات السعيدة حين احتاجها
وتذكرنى بما اقترفت يداى وبما فعل الناس معى حين احتاج ان افيق

ثم جئتى انتى يا مدونتى الحبيبة
بعد ان كنتى طيفا يجمع اكثر من حلم
بعد ان كنتى امل
وبارقة نور تخبو بعيدا

اخذتى تقتربى
تقتربى
تقتربى

لربما لا تكونى اكبر المدونات
ولا اكثرها زيارة
ولا اكثرها زخرفة وتطعيما بالصور واللينكات والحبشتكنات الفظيعة

الا انكى انتى لنتى
جئتى من عقلى
نشأتى فى فكرى
ظهرتى على يدى

ولربما انا ايضا لا اكون افضل المدونين
ولا اكثرهم براعة
ولا اغزرهم كتابة

الا اننى انا انا
انا اكثر من يحبك ويحتاجك ويريدك
انا صاحبك وابوكى وصديقك

وانتى حلمى وانجازى
انتى ابنتى وصديقتى صنيعة يدى

من جديد اقولها لكى
اهلا بكى

يا..مدونتى